Ngjarje e rëndë/ Aksidenti i frikshëm i merr jetën 26-vjeçarit në Fier

Mbrëmjen e kësaj enjte një ngjarje e rëndë ka ndodhur në fshatin Kallm i Vogël në Fier. Sipas informacioneve të deritanishme mësohet se një 26-vjeçar ka ndërruar jetë pas një aksidenti automobilistik.

Ndërkaq, Arbër Buzi ishte duke drejtuar motorin e tij, kur papritur ka dalë nga rruga. Për pasojë nga përplasja e fortë ka ndërruar jetë.

Ende nuk bëhet me dije shkaku kryesor i kësaj tragjedie. Policia ka mbërritur në vendngjarje dhe po punon për zbardhjen e dinamikës.

Njoftimi i policisë

Sot rreth orës 20:15, në fshatin Kallm i Vogël, Fier, shtetasi A. B., 26 vjeç, banues në fshatin Kallm i Vogël, duke drejtuar motomjetin tip “Yamaha” ka dalë nga rruga dhe ka rënë në kanal. 26-vjeçari ka ndërruar jetë rrugës për në spitalin e Fierit.

Grupi hetimor po punon për zbardhjen e rrethanave të kësaj ngjarje.