“Nesër s’ta kam as ty besimin” Qytetari vlonjat vë në siklet Bashën, ja si përgjigjet kryedemokrati

Paraditen e sotme kryetari i Partisë Demokratike Lulzim Basha ndodhet në qytetin e Vlorës ku dhe po zhvillon takim me fermerët e zonës.

Teksa po bisedonte, njëri prej tyre shprehu mosbesim në lidhje me politikën.

Edhe pse Basha e siguroi se ai nuk ka premtime por vetëm angazhime, qytetari i tha se as te ai nuk ka besim.

Pjesë nga biseda:

Fermeri: Ça na merrni ju përsipër. Vajin e kemi në shtëpi. Do na premtoni diçka.

Basha: Nga unë premtime s’do dëgjosh se ai bëri 8 vjet premtime. Ka vetëm angazhime, të premtosh në fushatë është gjëja më e thjeshtë. Unë s’kam vetëm premtime, por vepra. Nga dështimet ju skeni më besim te politika. Mos kujtoni se nuk e di unë.

Fermeri: Ky është llaf i madh, por unë nesër s’ta kam as ty besimin.

Basha: Rama ka bërë premtime por të gjitha i ka ngitur. Unë nuk vi këtu me premtime, unë kam ardhur me një program të mirë menduar.