Ndodh dhe kjo/ Ndezi furrën për të gatuar, e gjithë shtëpia u dogj vetëm byreku jo

Nuk janë të pakta historitë e rralla dhe të pazakonta që vinw nga familje të ndryshme nëpër botë.

E njëjta gjë ka ndodhur dhe në Kroaci, ku mësohet se një shtëpi është shkrumbuar nga zjarri për shkak të një defekti elektrik në furrë.

Por për çudi, vetëm byreku që po gatuhej brenda nuk u dogj.

E zonja ka deklaruar se ushqimi u poq pak më shumë se zakonisht, por mund të konsumohej pa problem.

“Kisha vënë byrekun me kungull për t’u pjekur. Nuk e gjeti gjë, vetëm se u poq pak më shumë”, tregon e habitur Nada Vidović, teksa shton se zjarri ka nisur papritur dhe nuk kanë mundur të shpëtojnë asgjë nga banesa e tyre, e cila u shkrumbua.

“Zjarri filloi papritur. Ne kishim frikë nga një shpërthim dhe u larguam me shpejtësi nga shtëpia, duke mos marrë asgjë me vete”, shtoi ajo.