“Na vunë kamera e përgjues në zyra”/ LSI denoncon: E bëri djali i Lefter Kokës, kërcënuan qytetarët

Pas konfliktit që drejtuesja politike dhe kandidatja për deputete Elona Guri nga LSI pati me një person dhe ngjarja përfundoi në polici, Lëvizja Socialiste për Integrim dega Durrës ka dalë me një deklaratë për mediat.

LSI Durrës deklaron se drejtuesit e LSI Durrës kanë zbuluar kamera përgjimi që monitoronin e përgjonin Zyrën e kësaj force.

Për këtë gjë, LSI e ka denoncuar djalin e Lefter Kokës dhe pronarin e ambientit ku ishte strehuar serveri dhe kabujt e kamerave të përgjimit.

DEKLARATA E PLOTË

Duke marrë shkas nga transformimi i ngjarjes të skandalit më të paprecedentë në procesin zgjedhor në 30 vitet e fundit, dhe keq-informimit dashakeq nga Policia e Shtetit, e cila e shtyrë dhe e ndikuar politikisht fsheh të vërtetën e hidhur po ju sqarojmë si më poshtë:
Gjetja e pajisjeve përgjuese dhe kamerave në zyrën qendrore të LSI Durrës.
Drejtuesit e LSI Durrës kanë zbuluar kamera përgjimi që monitoronin e përgjonin Zyrën e LSI Durrës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dyshimi lindi pasi të gjithë qytetarët e thjeshtë që shkonin në këtë zyrë kontaktoheshin, intimidoheshin dhe kërcënoheshin me vendin e punës ose presione të tjera nga Arbër Koka, djali i Lefter Kokës, apo anëtarë të shtabit elektoral të tij.

U zbuluan kamerat dhe serverat me regjistrime. U njoftuan autoritetet dhe prezente fizikisht në Komisariatin e Policisë në Durrës, drejtuesja politike e LSI Durrës dhe kandidatja e LSI për Durrësin, znj. Elona Guri denoncoi Arbër Koka, djalin e Lefter Kokës si autor të këtij skandali dhe pronarin e ambientit ku ishte strehuar serveri dhe kabujt e kamerave të përgjimit.
LSI Durrës
#DurresiShtepiaJuaj ?
#LSI ?