Meta thirrje shqiptarëve për të votuar: Mos u ankoni për pasojat e qeverisë nëse nuk e bëni

Kreu i shtetit Ilir Meta, i bën thirrje qytetarëve që mos të neglizhojnë votën e 25 prillit.

Në një video në rrjetin social “Facebook”, presidenti Meta thekson se ai qytetar që nuk voton, nuk ka të drejtë të ankohet për pasojat e qeverisjes apo të mos dëgjimit të zërit të tij.

Postimi i plotë i Ilir Metës:

Çdo qytetar, që nuk voton, moralisht, nuk ka të drejtë të ankohet për pasojat e qeverisjes apo të mos dëgjimit të zërit të tij. ??

Është shumë e rëndësishme t’i ndërgjegjësojmë qytetarët shqiptarë që në një sistem demokratik, fuqia e çdo qytetari është vota e tij.

Kjo është një fuqi që ai duhet ta tregojë dhe tek e cila duhet të ketë besim.

Çdo demotivim, çdo përgjumje, çdo indiferencë, pa dyshim, nuk i shërben jo vetëm demokracisë, por nuk i shërben as vetë qytetarit.

Çdo qytetar, që nuk voton, moralisht, nuk ka të drejtë të ankohet për pasojat e qeverisjes apo të mos dëgjimit të zërit të tij.