Meta sulmon përmes poezisë: Vrulli shpërthyes i vargjeve të Fan Nolit gjëmon, sa herë tirania bëhet e padurueshme

Presidenti Ilir Meta në  Ditën Botërore të Poezisë ka kujtuar vargjet e paharrueshme të Fan Nolit “Anës Lumenjve”.

Kreu i Shtetit, ndërsa ka postuar dhe një video thekson se vrulli shpërthyes i vargjeve të Nolit gjëmon me një forcë të jashtëzakonshme sa herë tirania, dhuna, shtypja, zullmet, padrejtësitë dhe aktet antikombëtare bëhen të padurueshme dhe revoltuese për mbarë popullin.

Për presidentin kjo nuk është hera e parë që përmes figurave historike, poezive etj të përcjellë mesazhe politike.

Mesazhi i Metës:

“Anës lumenjve”, një nga krijimet më të arrira të Fan Nolit, është padyshim një nga poezitë më popullore dhe më të dashura për çdo shqiptar të ndershëm e patriot të çdo epoke.
Vrulli shpërthyes i vargjeve të saj gjëmon me një forcë të jashtëzakonshme sa herë tirania, dhuna, shtypja, zullmet, padrejtësitë dhe aktet antikombëtare bëhen të padurueshme dhe revoltuese për mbarë popullin, “që nga Shkodra e gjer në Vlorë”.
Me rastin e Ditës Botërore të Poezisë, risjell sot disa nga vargjet e kësaj poezie, të interpretuara mjeshtërisht nga artisti ynë i madh Timo Flloko