Meta poston foton e shtëpisë së gjyshit: U dogj dy herë nga pushtuesit, pas 25 prillit do ta rindërtoj me kushërinjtë

Presidenti i Shqipërisë Ilir Meta feston sot ditëlindjen e tij të 52-të, me urime dhe fjalë të bukura që nuk i munguan as nga familjarët e as nga miqtë apo kolegët.

Kreu i Shtetit ka publikuar foton e shtëpisë së vjetër të gjyshit të madh në Çepan të Skraparit.

Meta thotë se ndihet krenar që lindi në një shtëpi e cila është djegur dy herë nga pushtuesit e huaj. Tepër entuziast, ai thotë se pas 25 prillit do ta rindërtoj së bashku me kushërinjtë e tij, në derim të partizanëve të plagosur që ajo shtëpi i mirëpriti si një spital lufte.

Shënimi i Metës

Sot, në ditën e lindjes time kujtoj me nostalgji shtëpinë e gjyshit të madh, në Çepan të Skraparit, ku u linda më 24 mars 1969.

Krenar, që linda në një shtëpi, që u dogj dy herë nga pushtuesit dhe u rindërtua më e madhe.

Pas 25 prillit, më duhet ta rindërtoj për herë të tretë, së bashku me kushërinjtë e mi edhe në nderim të dhjetëra partizanëve të plagosur, të cilët kjo shtëpi i mirëpriti si Spital Partizan gjatë “Operacionit të Dimrit”.

MALET TONA MË TË LARTA!