“Merr punëtorë nga Bangladeshi” Rama ‘këshillon’ pronarin e fasonerisë: S’bëjnë thashetheme, nuk dinë shqip

Teksa po vizitonte sot Shkodrën, kryeministri Edi Rama  është ballafaquar me një pronar fasonerie i cili i tha se nuk ka fuqi punëtore.

Pas kësaj “ankese” kreu i qeverisë e këshilloi që të merrte punëtorë nga Bangladeshi apo Afganistani dhe se ligji për këtë është miratuar tashmë.

‘Ne kemi kaluar ligjin e ri për të huajt që është shumë i thjeshtë. Nuk ka më fare nga ato procedurat e tmerrshme.

7 ditë është procedura për të marrë punëtorë të huaj.  Me këtë pagë që ke ti këtu i ke të sigurt punëtorët e huajt nga Bangladeshi nga Afganistani, nga India. I ke pronto, nuk dinë as shqip dhe nuk merren me thashetheme.

Sa të fillojnë me mësu shqip, fillo ndërroi se i futet krimbi, jo politika, jo demokracia jo më the të thashë’, tha Rama.