Media në zi/ Ndahet nga jeta parakohe gazetari shqiptar, ishte prekur nga virusi

Një lajm i hidhur ka tronditur sot mediat shqiptare.

Gazetari korçar Arben Kosturi ka ndërruar jetë në moshën 53-vjeçare si pasojë e infektimit nga C OVID19.

Ai ishte prekur prej kohësh nga virusi dhe për fat të keq nuk ka mundur që të mbijetojë.

Lajmin e ka bërë të ditur vajza e tij, përmes një postimi në rrjetet sociale.

Më herët vajza e tij kishte bërë thirrje që ta ndihmonin për ta kuruar në Turqi, pasi ndodhej në gjendje të rëndë shëndetësore.

Prej vitesh Arben Kosturi ka qenë aktivist i të drejtave për romët dhe egjiptianët.