“Më vinin çdo lloj burrash të tipit ambasador” Rudina Hajdari trondit me rrëfimin

Deputetja e opozitës së re Rudina Hajdari ka bërë së fundmi një rrëfim mjaft tronditës.

E ftuar në programin “Open”, mbrëmë ajo tha se pasi mori vendimin për të mos djegur mandatin e saj në Kuvend, duke dalë kështu hapur qëndrimit të Partisë Demokratike, është sulmuar dhe poshtëruar nga figura të njohura të politikës.

Hajdari tha se u sulmua dhe nga ambasadorë të ndryshëm, edhe pse nuk dha emra.

“Më vinin çdo lloj burrash të tipit ambasador, më thonin t’i ke shkelur gjakun e babait tënd”, tregoi Hajdari.

Deputetja tha se u vu në pikëpyetje edhe marrëdhënia me babanë e saj, Azem Hajdarin.

“Prej atij vendimi u denigrova dhe poshtërova ,u çova në pikën e faktin nëse e doja apo jo tim atë. Më thoshin lloj-lloj gjërash. Më thoshin se ti ke shkelur mbi gjakun e tët ati”, tregoi Rudina Hajdari.