LIGJET E BIZNESIT
Kanë mbërritur mbrëmjen e sotme në Shqipëri 38 400 dozat e para të vaksinës Astra Zeneca.
Për të parë mbërritjen e vaksinës, në aeroportin “Nënë Tereza” të pranishëm janë kryeministri Edi Rama, ministrja e Shëndetësisë Ogerta Manastirliu si dhe ministri për Rindërtimin, Arben Ahmetaj.
Kryeministri Edi Rama, theksoi se edhe 60 mijë doza të tjera vaksinash anti-Covid, pritet që të vijnë në muajin prill.
“Edhe 60 mijë doza do mbërrijnë në muajin prill. Ideja është që të kemi vaksinim intensiv. Jemi gati, nga nesër që të organizohemi, bashkë me Kosovën, që t’ju japim mundësi mjekëve dhe infermierëve të spitaleve Covid, që nga spitali i Prishtinës. I presim vëllazërisht. Do jetë e rëndësishme, që edhe në Kosovë të thyhet kjo pengesë për të pasur dozat e para të vaksinës anti-Covid”, u shpreh Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
