Me 69 vota pro/ Zgjidhet kryetari i ri i parlamentit të Kosovës, emër i njohur në politikë

Pas betimit të deputetëve, në seancën e mbajtur sot, është bërë dhe propozimi për zgjedhjen e kryetarit të Parlamentit.

Me 69 vota pro dhe asnjë abstenim, Glauk Konjufca është zgjedhur kryetar i ri i Kuvendit të Kosovës.

Mbledhja e sotme është e para e legjislaturës së tetë, ku do të krijohet dhe qeveria e re.

Sipas agjendës, fillimisht do të duhet të formohet komisioni i përkohshëm për verifikimin e kuorumit dhe të mandateve të deputetëve, më pas do të bëhen betimet. Në zgjedhjet e 14 shkurtit, Lëvizja Vetëvendosje e Albin Kurtit fitoi 50.28 për qind të votave apo 58 ulëse të Kuvendit, nga 61 vota që duhet për të krijuar qeverinë.

Publikisht lideri i Lëvizjes Vetëvendosje, Albin Kurti është shprehur se qeverinë do ta formojë me partitë e komuniteteve joserbe, duke përjashtuar kështu partitë shqiptare dhe Listën Serbe. Por siç ia garanton edhe Kushtetuta, Partia që përfaqëson komunitetin serb ka të garantuara dy ministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern