Mbyllja e takimit të PD-së/ Policia vendos kordon për të penguar lëvizjen drejt sheshit ‘’Skënderbej’’

Policia po kërkon që të evitojë skenarin e përplasjes midis dy takimeve elektorale të forcave politike të Partisë Socialiste dhe asaj demokratike, të cilat i ndan një bulevard i vetëm.

Tashmë, Partia Demokratike e ka mbyllur takimin e saj teksa simpatizantët dhe mbështetësit kanë nisur të shpërndahen.

Ndërkohë, nga ana tjetër, në sheshin ‘’Skënderbej’’ Rama po mban fjalimin në takimin e PS.

Në ambjentet e jashtme të Ministrisë së Brendshme, policia ka formuar një kordon për të penguar lëvizjen drejt sheshit ‘’Skënderbej’’.

Masat janë shtuar ndjeshëm në aksin që lidh dy sheshet.