LIGJET E BIZNESIT
Mblidhet Komiteti Teknik i Ekspertëve.
Gjatë takimit ministrja e Shëndetësisë Ogerta Manastirliu ka prezantuar kandidatët e rinj, që do të zëvendësojnë të larguarit, mjekun Tritan Kalo dhe shefen e Infektivit Najada Çomo pasi kjo e fundit kandidoi për deputete.
Manastirliu prezantoi si anëtarë të rinj dhe të përhershëm të Komitetit, dr. Dhimitër Krajën, prof. Ermira Kolën dhe prof. Alban Yllin, që të tre emra shumë të njohur në fushën e shëndetësisë.
“Më lejoni që menjëherë t’ju prezantoj anëtarët e rinj të Komitetit të Ekspertëve të ftuar si kontributorë, duke filluar nga Dhimitër Kraja. Faleminderit për pranimin e ftesës.
Kraja ka shërbyer si shef i Infektivit në QSUT deri pak vite më parë, pedagog në Fakultetin e Mjekësisë. Ka nisur punë në vitin 1975. Dua të falenderoj profesoreshë Ermira Kolën për pranimin e ftesës. Ka përfunduar studimet në vitin 1985. Profesor Alban Ylli do të jetë anëtar i përhershëm.”u shpreh ministrja gjatë fjalës së saj.
