“Lus Zotin që mos përfundojnë spitaleve për mullaqet e Lulëzimit” Rama ironizon keq Bashën

Pas vizitës së liderit demokrat Lulzim Basha në Korçë sot, ka ardhur dhe reagimi i kryeministrit Edi Rama.

Ky i fundit ka publikuar një foto nga takimi dhe një tjetër nga procesi i vaksinimit kundër C OVID19, teksa e cilëson djallëzi këmbënguljen sipas tij të Bashës në fajin e kërcënimit të shëndetit të njerëzve.

REAGIMI I PLOTE I KRYEMINISTRIT EDI RAMA

“Të gabosh është njerëzore, të këmbëngulësh në gabim është djallëzore”, thoshin latinët.
Kjo këmbëngulje prej shejtanbudallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku?
*Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv?
(Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut?)