LIGJET E BIZNESIT
Dy liderët kryesorë të politikës shqiptare, Edi Rama i PS-së dhe Lulzim Basha i PD-së në formularin e dekriminalizimit të depozituar në Komisionin Qendror të Zgjedhjeve, deklarojnë se kanë ndryshuar emrat e tyre.
Kryeministri Edi Rama në formularin e dekriminalizimit të siguruar nga Gazeta “Shqip” shprehet se e ka ndryshuar emrin e tij në vitin 2002. Sipas dokumentit Rama e ka pasur emrin Edvin dhe këtë emër e ka mbajtur 27 nëntor të vitit 2002, gjë që nënkupton se e ka ndryshuar në gjendjen civile.
Ndërsa rivali i tij politik, lideri i PD-së, emrin e ndryshuar e lidh me një gabim të Autoritetit të Pasaportave dhe jo të faktit se ka kërkuar vetë një gjë të tillë.
“Lulëzim (përdorur nga autoriteti i pasaportave)”, shkruan kryedemokrati te opsioni nëse e ka ndryshuar zyrtarisht ndonjë nga të dhënat e gjeneralitetit.
Basha ndërkohë ka deklaruar se ka jetuar jashtë shtetit në Holandë nga vitit 1993-2000 për studime dhe në Kosovë për punë nga 2000-2004.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rama nga ana e tij, nuk e ka përmendur se ka jetuar jashtë shtetit më shumë se një muaj, edhe pse në fillimet e veta të karrierës artistike i ka pasur në Francë.
Basha dhe Rama kanë deklaruar në formular se nuk kanë qenë asnjëherë të dënuar, të hetuar dhe se nuk kanë pasur ndonjë urdhër kërkimi ndërkombëtar lidhur me kryerjen e veprave penale./gazetashqip/
