Kryetari i “Nismës Thurje” bën deklaratën e fortë/ E pranon: Kemi një të dënuar në listë

Drejtuesi i partisë Nisma Thurje ka dalë me një deklaratë të pazakontë ditën e sotme. Ai e pranoi haptazi se në listat e kësaj partie ndodhet edhe një i dënuar.

Në një intervistë për mediat, Shabani sqaroi se bëhet fjalë për një kandidat që dënimin e ka marrë për një protestë kundër inceneratorëve. Pavarësisht kësaj, ai premtoi se me Nismën Thurje do të ndërtohet e ardhmja.

“Të gjitha forcat e tjera politike janë një rikthim në të shkuarën. Nisma Thurje ofron të ardhmen, ne po përpiqemi të ndërtojmë të ardhmen në këtë vend. Ne kemi 153 kandidatë në çdo qark të Shqipërisë. Ajo që kemi bërë deri tani ka qenë një seleksionim i kandidatëve tanë. Jemi përgatitur për fushatën zgjedhore. Kemi vetëm një të dënuar, që është dënuar se ka protestuar kundër inceneratorit të plehrave.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern