LIGJET E BIZNESIT
Përfaqësuesja e Kosovës ka fituar me rezultat të thellë 4-0 ndaj Lituanisë në ndeshjen miqësore të zhvilluar në stadiumin ‘Fadil Vokrri’ në Prishtinë.
Ekipi i Bernard Challandes ka marrë një fitore të madhe ndaj Lituanisë, para dy ndeshjeve shumë të vlefshme kualifikuese për “Katar 2022” ndaj Suedisë dhe Spanjës.
Pjesa e parë e ndeshjes u karakterizua me dominim të Dardanëve, të cilët përveç shumë rasteve shënuan edhe një gol.
Goli i vetëm në këtë pjesë erdhi në minutën 27-të dhe ishte Arbër Zeneli, i cili shënoi gol të bukur për 1-0 pas një depërtimi brilant nga e majta.
Në pjesën e dytë, djelmoshat tanë ishin thjeshtë fantastik duke dhuruar spektakël, krijuar shumë raste dhe duke shënuar edhe tri gola.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Goli i parë në këtë pjesë erdhi në minutën e 63-të dhe ishte Vedat Muriqi, i cili shënoi me kokë për 2-0 pas asistimit të saktë të Milot Rashicës.
Pas golit të Muriqit në skenë doli përsëri Zeneli (71’) që u përkujdes të shënojë golin e dytë personal dhe të epërsisë 3-0 për Kosovën.
Ky gol i tretë nuk e zmbrapsi ekipin Dardan, pasi në minutën e 79-të shënuan edhe një gol me anë të Besar Halimit, i cili pas një veprimi fantastik individual qoi epërsinë në 4-0.
Deri në fund të ndeshjes, Kosova e menaxhoi mirë lojën pati edhe disa raste tjera, por portat nuk u tunden më dhe u desh t’i gëzohen fitores me rezultat 4-0.
Ndryshe, Kosova me datë 28 mars e pret Suedinë, ndërsa tri ditë më vonë udhëton te Spanja. /Telegrafi/
