LIGJET E BIZNESIT
Kandidatja për deputete e PD-së, Mesila Doda deklaroi se lista e kandidatëve të PS-së në Durrës është plot me kriminelë.
Ajo komentoi situatën parazgjedhore në vend, ku u shpreh se njerëzit po kërcënohen me vendin e punës si dhe ndihmën ekonomike për të votuar mazhorancën.
“Lista e PS-së e Durrësit është e mbushur me kriminelë, janë njerëz që i njohim të gjithë. Por unë vazhdoj të mendoj se një popull nuk mund të vihet nën thundrën e një bande, sepse ne kemi rrëzuar një diktaturë.
I gjithë pushteti dhe pasuria ekonomike është kapur nga një dorë. Nuk shtyhen 8 vite me 50 mijë lekë që merret për një votë. Njerëzit heshtin sepse janë të kërcënuar nga vendi i punës dhe ndihma ekonomike. PS-ja ka shpërndarë ndihma ekonomike për vota. Votën do ta mbrojmë”, u shpreh Doda.
