“Ja çfarë do ndodhë deri në 25 prill” Pas sherrit me biznesmenin, Luçiano Boçi bën parashikimin e fortë

Dy ditë më parë biznesmeni Gjergj Luca u përfshi në një konflikt fizik me kandidatin për deputet të PD në Elbasan, Luçiano Boçi.

Ky i fundit ka dalë me një deklaratë të fortë, ku parashikon se dhuna do të jetë pjesë e fushatës elektorale deri më datë 25 prill, në ditën e zgjedhjeve.

Sipas tij, situata është shumë e agravuar, por kjo nuk duhet t’i pengojë qytetarët tha Boçi, që të shkojnë të votojnë.

“Në parashikimet e mia dhuna do të jetë pjesë shoqëruese e kësaj fushatë deri me 25 prill. Situata është shumë e agravuar, për shkak të shumë elementëve që ne argumentuam.

Ajo që duhet të bëjmë ne si qytetarë është pjesëmarrja në votime, angazhimi qytetar për të shprehur vullnetin e tij politik, jo vetëm ndaj perceptimeve që ne lëshojmë nga studio, por për shkak të programeve dhe vizioneve që do të bëjë që kjo dhunë do të sfumohet dhe në datë 25 verdikti do të jetë i pastër dhe i drejtë”, është shprehur mbrëmjen e djeshme në “Pa protokoll” Luçiano Boçi, kandidat i PD për deputet në Elbasan.