I sëmuri ndërron jetë në shtëpi, procedohet mjekja e spitalit të Durrësit

Policia e Durrësit procedoi penalisht një mjeke të spitalit pasi dyshohet se i ka dhënë mjekim të pakujdesshëm një të sëmuri. Ky i fundit ka ndërruar jetë në banesën e tij.

Ndërkaq, bëhet e ditur se Specialistët për Hetimin e Krimeve në Komisariatin e Policisë Shijak proceduan penalisht për veprën penale “Mjekim i pakujdesshëm”, shtetasen P. K., 47 vjeçe, banuese në Durrës, me detyrë mjeke në Spitalin Rajonal Durrës.

Për këtë shtetase ka bërë kallëzim shtetasi E. M., 31 vjeç, pasi dyshohet se ka mjekuar në mënyrë të pakujdesshme vëllanë e tij, shtetasin E. M., 40 vjeç, i cili ka ndërruar jetë në banesë.

Grupi hetimor vijon punën për zbardhjen e plotë të rrethanave të ngjarjes. Materialet i kaluan Prokurorisë, për veprime të mëtejshme.