LIGJET E BIZNESIT
Mesa duket shembjes së monumenteve të kulturës nuk do arrijë ti shpëtojë as godina e parë 7-katëshe në Tiranë.
Bëhet fjalë për ish-godinën e ATSH.
Lajmin e ka dhënë kryetari i Bashkisë së Tiranës Erion Veliaj gjatë një inspektimi në bulevardin Zogu i Parë me kryeministrin Edi Rama.
Pallati që sipas kryebashkiakut është i rradhës që do të shembet, është projektuar nga arkitekti Maks Velo dhe është godina e parë 7 katëshe e kryeqytetit.
Që prej vitit 2007 kjo godinë mban edhe titullin monument kulture i kategorisë së dytë, për vlerat historike dhe arkitektonike që mbart.
Burime pranë bashkisë bëjnë me dije se godina është në proces vlerësimi për shkak të dëmeve të marra nga tërmeti i 26 Nëntorit.
Por, kjo është lista e hartuar nga ministria e Kulturës për të gjitha ndërtesat që kanë pësuar dëmtime nga tërmeti. Në listë shihet se godina e lartëpërmendur nuk është e përfshirë.
