Francë/ Dënohet me 3 vite burg Nicolas Sarkozy, ja akuza që rëndon mbi ish-presidentin

Dënohet me tre vite burg nën akuzën për korrupsion ish-presidenti i Francës Nicolas Sarkozy.

Ai i ka mohuar të gjitha akuzat kundër tij gjatë gjykimit 10 ditor që u mbajt në fund të vitit që lamë pas.

Ish-numri një i Francës dyshohet se është përpjekur të marrë në mënyrër të paligjshme informacion nga një magjistrat i lartë në 2014.

E gjitha kishte lidhje me një veprim ligjor në të cilin ai ishte përfshirë.

Nga ana tjetër Sarkozy ka mohuar akuzat duke pretenduar se nuk ka kryer kurrë as veprimin më të vogël për korrupsion.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Politikani 66-vjeçar i cili ka mbajtur postin e presidentit nga 2007 deri në 2012, do të përballet me aktakuzën që sipas kodit penal parashikon dënime me burg prej 10 vjetësh, si dhe një gjobë, e cila në këtë rast arrin 1 milion euro.

Prokurorët i propozuan një dënim tre-vjeçar me një dënim minimal prej dy vjetësh ish-presidentit, ndërsa i njëjti propozim iu bë të bashkë-akuzuarve të tij, avokatit Thierry Herzog dhe gjykatësit Gilbert Azimber.

Nga ana e tyre, prokurorët thanë se të dy, Sarkozy dhe Herzog u përpoqën të korruptonin gjyqtarin Azimber për informacion mbi një hetim mbi pretendimet se ish-presidenti francez kishte marrë fonde të paligjshme nga trashëgimia e L’Oreal, Lillian Betancourt, gjatë fushatës së tij të suksesshme presidenciale në 2007.

Ajo madje i tha gjykatës se në një nga bisedat është e qartë se Sarkozy kishte premtuar të ndërhynte, në mënyrë që Azimber të merrte një punë specifike në Monako.

Avokatja e Sarkozy, Jacqueline Lafon, hodhi poshtë argumentet e prokurorit Gijon, duke folur për kategoritë e substancës së zbrazët dhe argumentoi se transkriptimet ishin biseda midis miqve. Avokatët e Sarkozy e kanë përdorur këtë argument në mbrojtjen e tyre, por prokurorët kanë këmbëngulur që ligji francez nuk bën përjashtime nga përpjekjet e suksesshme ose të dështuara të ryshfetit.

Kjo është hera e parë në historinë moderne të Francës që një ish-president del në gjyq për korrupsion.