LIGJET E BIZNESIT
Në një letër të përbashkët të bërë publike ditën e sotme, udhëheqësit botërorë thanë se “Bota ka nevojë për një zgjidhje globale, të ngjashme me atë pas Luftës së Dytë Botërore, për të mbrojtur vendet në përballje me pandeminë e shkaktuar nga COVID-19”.
Kësaj nisme i është bashkuar edhe Shqipëria, ku kryeministri Edi Rama i është bashkuar 24 liderëve botërorë dhe ka firmosur traktatin për të qenë të bashkuar në luftën kundër COVID-19 si dhe pandemive të tjera që mund të kërcënojnë botën.
Letra erdhi pas një takimi të ministrave të shëndetësisë të G7 të hënën, duke theksuar se pandemia kishte qenë “një kujtesë e zymtë dhe e dhimbshme se askush nuk është i sigurt derisa të gjithë të jenë të sigurt”.
24 udhëheqësit argumentojnë se një traktat i ngjashëm me atë të arritur pas Luftës së Dytë Botërore është i nevojshëm për të ndërtuar bashkëpunimin ndërkufitar.
Një traktat i ri do të ndihmonte në krijimin e sistemeve më të mira për parandalimin e pandemive të mundshme, ndërsa përmirëson ndarjen e të dhënave, shpërndarjen e vaksinave dhe pajisjeve mbrojtëse personale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shtetet e organizatat firmëtare:
Chile, Kosta Rica, Trinidad dhe Tobago, Kenia, Ruanda, Senegal, Afrika e Jugut, Shqipëria, Këshilli Evropian, Francë, Gjermani, Greqi, Hollandë, Norvegji, Portugali, Rumaniau, Serbi, Spanjë, Ukraina, Mbretëri e Bashkuar, Tunizi, Indonezi, Fiji, Kore, OBSH.
