LIGJET E BIZNESIT
Në lidhje me vaksinimin anti-Covid, epidemiologu Ilir Alimehmeti ka folur ditën e sotme ku ka komentuar deklaratën e kryeministri Rama, se për 14 muaj do të vaksinohet e gjithë popullsia.
Në një intervistë për Faxnews, Alimehmeti tha se kjo është një periudhë shumë e gjatë. Më tej ai shprehet se do të ishte më mirë që vaksinimi të bëhej për 6-9 muaj, pasi sipas tij dimri i ardhshëm mund ta përkeqësojë situatën.
“14 muaj në fakt është një kohë tejet e gjatë, gjithë ideja në këtë moment është që të shkurtojmë kohën në çfardo lloj mënyre që do të jetë e arsyeshme nuk ka pse të shohë vetëm një kandidat vaksinash, kemi disa. E vërtet që kryeministri ka thënë 14 muaj, tashmë një muaj ka kaluar nga ajo deklaratë, kështu që bëhen 13, por megjithatë në këtë periudhë kemi dimrin tjetër ndërmjet. Dimri siç e pamë shumë qartë është periudha më e keqe e mundshme për ktë lloj virusi, kështu që atij dimri të ardhshëm ne duhet t’i dalim përpara. Skenari që do të preferonim të dëgjonim do të ishte diçka që ka të bëjë me 6 deri në 9 muaj, pasi 14 do të thotë të kapërcehet edhe dimri i ardhshëm dhe mund të jetë problematike kjo periudhë”, tha mjeku Alimehmeti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
