LIGJET E BIZNESIT
Një lajm i hidhur vjen së fundmi për arsimin shqiptar.
Mësohet se C OVID19 i ka marrë jetën Shpëtim Krajës, me profesion mësues matematike në gjimnazin “Qemal Stafa”.
Njoftimin e ka dhënë institucioni arsimor në faqen zyrtare.
Kolegët dhe mësuesit si dhe nxënësit kanë shprehur ngushëllime për këtë humbje të madhe.
Kraja ishte me origjinë nga Shkodra dhe përpos profesionit të cilën e ushtroi për vite me radhë, kishte pasion dhe pikturën të cilën e praktikonte në kohë të lirë.
NJOFTIMI I PLOTE I GJIMNAZIT “QEMAL STAFA”
Të prisnim mes nesh i nderuari profesor Shpëtim Kraja!
Të dashur kolegë, nxënës, prindër e miq të faqes sot gjimnazi “Qemal Stafa” rënkon, është në zi për ndarjen e parakohshme nga jeta të kolegut tonë të mrekullueshëm, të cilin COVID nuk e kurseu!
Një mësues i nderuar, i respektuar, i papërtuar i cili nuk ndaloi asnjëherë së dhëni më të mirën nga vetja, breza e breza të tërë do të kujtojnë me mall mundin, djersën, sakrificat, këshillat dhe dëshirën e pasionin për matematikën!
Sot e nesër në faqen e shkollës sonë do të paraqesim momente nga jeta e tij, impresione nga kolegë, nxënës e prindër si një mënyrë për të kujtuar në çdo moment se sa i rrallë e i veçantë ishte sistemi i tij vleror!
U prehsh në paqe, kolegu ynë i dashur!
Qemal Stafa sot lëngon, loton për humbjen e një kolegu, miku, shoku, bashkëpunëtori të shkëlqyer!
