E rëndë në Tiranë/ Ngacmuan s*ksualisht dy vajza të mitura, policia vë në pranga 2 persona

Raportohen dy raste të rënda të ngacmimeve seksuale së fundmi në Tiranë.

Sipas policisë, bëhet fjalë për vajza të mitura, të cilat kanë rënë pre e dy personave.

Mësohet se për pasojë është shpallur në kërkim një 42-vjeçar pasi në rrugën “Pandi Dardha”, ka tentuar të ngacmojë seksualisht një shtetase të mitur. Ndërkohë që po ashtu një 60-vjeçar ka ngacmuar një të mitur, i cili më pas është arrestuar nga uniformat blu.

NJOFTIMI ZYRTAR I POLICISE

-Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit A. M., 42 vjeç, sepse në rrugën “Pandi Dardha”, ka tentuar të ngacmojë seksualisht një shtetase të mitur.

-Nga specialistët për Hetimin e Krimit në Komisariatin e Policisë Nr.3 u bë arrestimi në flagrancë i shtetasit A. M., 60 vjeç, pasi ka ngacmuar seksualisht një shtetase të mitur.