E rëndë/ Iu dogj banesa në Berat, pas të atit të paralizuar nxirret trupi i pajetë i 36-vjeçarit (EMRI)

Rëndohet bilanci nga ngjarja e rëndë që ndodhi në Berat gjatë natës që sapo lamë pas.

Sipas informacioneve zjarri ka përfshirë 4 banesa.

Policia bën me dije se fillimisht flakët kanë pushtuar banesën e shtetasit J.V., dhe më pas është përhapur dhe në dy banesa të tjera ngjitur, të shtetasve R.S dhe P.N si dhe në katin e tretë të pallatit përballë në banesën e shtetasit M.H.

Ndërkohë mësohet se pas nxjerrjes së trupit të babait të paralizuar, nga rrënojat e shtëpisë së shkrumbuar është nxjerrë edhe trupi i djalit 36-vjeçar Mateo Vangjeli. Më herët nga ndërtesa është nxjerrë 61-vjeçari Jovan Vangjeli , i cili ishte i paralizuar. Ndërkohë kërkimet vijojnë edhe për një viktimë të tretë, që dyshohet të ketë qenë në banesë. Nga fqinjët është rrëfyer se 31-vjeçari kishte një shok të tij në shtëpi atë natë.