E rëndë/ Hidhet nga kati i pestë një person dhe humb jetën, policia jep informacion

Një ngjarje e rëndë ka ndodhur sot në Fier.

Mësohet se një 56-vjeçar është hedhur nga kati i pestë i pallatit ku jetonte dhe për pasojë ka humbur jetën.

Sipas policisë, personi në fjalë vuante nga probleme të shëndetit mendor.

“Sot rreth orës 10:30, në lagjen ‘Kryengritja’, dyshohet se është vetëhedhur nga kati i pestë i pallatit dhe ka ndërruar jetë shtetasi P.Sh., 56 vjeç, i cili vuante nga probleme të shëndetit mendor”, njoftoi policia.

Grupi hetimor po kryen veprimet proceduriale për zbardhjen e plotë të ngjarjes, shtuan të njëjtat burime.