E konfirmuar/ Varianti britanik hyn në Shqipëri, Komiteti njofton masat për 2 javët e ardhshme

Ditën e sotme Komiteti Teknik i Ekspertëve është mbledhur për të komunikuar masat për parandalimin e përhapjes së C OVID19.

Ministrja e Shëndetësisë Ogerta Manastirliu bëri një pasqyrim të situatës, duke thënë se nuk do të ketë ashpërsim të masave, por do të ngelen në fuqi ato  që kanë qenë më parë.

Gjithashtu numri një i Shëndetësisë në vend ka konfirmuar se në vendin tonë ka hyrë dhe varianti britanik i virusit.

“Prej të hënës kemi dozat e radhës nga kontrata e Pfizer. Kemi arritur në një numër pra vaksinimesh perj 21 mijë e 619 doza vaksinash të kryera. Dhe kemi pothuajse përmbyllur vaksinimin e stafit shëndetësor. Më shumë se 16 mijë të vaksinuar. Më shumë se 4 mijë të kryer për të moshuarit plus 80 vjeç. Të moshuarit në shtëpitë e të moshuarit dhe stafet në shtëpitë e tyre.

Sa i përket situatës epidemiologjike, shohim që kemi tendencë të uljes së qëndrueshme ditore. Prej 1 marsit vërehet një trend i uljes së qëndrueshme. Vlerësohet se kemi një normalizim në spitale.

Fico do të japë gjithë informacionin, mbi incidencën dy javore, javore dhe spitalizimet, më lejoni të them që numri i infektimeve kur shihet se ka tendencë të rritjes së infektimeve edhe pse vendet europiane janë në mbylljen e dytë dhe të tretë.

Ashtu si Komiteti ka diskutuar në orët e para të mëngjesit, dhe në ditët e përditshme dhe analizim të situatës.

Në vlerësimi e situatës janar-shkurt, në laboratorin e virologjisë janë analizuar kampionet PCR, laboratori ka përdorur kite specifike, të interpretuar të dhënat, dhe në këtë rast ISHP ka bashkëpunuar me ISHP të Ankarasë. Rezultatet treguan se kampionët janë të infektuara me variantin e ri, mbajnë shenjë të stacionit britanik. Ky mutacion është varianti britanik, që është në qarkullim në 70 vende. Dyshimet e arsyeshme që patën ekspertët e ISHP, që rritën transmetueshmërinë, është e konfirmuar që Shqipëria ka në qarkullim variantin britanik të COVID-19.”- tha Manastirliu.

MASAT NË FUQI NGA KOMITETI TEKNIK

– Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania.

– Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery).

– Nisur nga rritja e rasteve të infektimeve të reja në grupmoshën 15-24 vjeç, shkollat e mesme vijojnë me skenarin e tretë, pra atë online ne zonat e riskut të lartë.

– Universitetet vijojnë online

– Pezullim të fluturimeve me Britaninë e Madhe