“E kam kaluar virusin” Sali Berisha e zbulon për herë të parë: Ja arsyeja se përse nuk e bëra publike

Ish-kryeministri Sali Berisha ka zbuluar për herë të parë në një intervistë për “ABC” se e ka kaluar C OVID19.

Ai është shprehur se virusin e kaloi si një grip në formë të zakonshme dhe kjo ishte arsyeja se përse vendosi që mos ta bëjë publike.

Berisha shtoi se pavarësisht se ka qenë i infektuar, ka punuar përditë njësoj.

Ndër të tjera, ai thekson se vaksinën do ta bëjë kur ti vijë rradha.

“Unë kalova një grip në formën më të zakonshme. Kjo është dhe arsyeja e vërtetë që unë nujk e bëra publike, Unë thash nëse kjo kalon në stadin e rrufrave të zakonshme unë nuk do ta bëj publik. Unë pata vetëm një shenjë që ishte një rrufë disa ditore dhe dy ditë kam pasur një temperaturë prej 37 e gjys.

Në shkurt unë kam punuar çdo ditë njëlloj, nuk më ka cënuar aftësinë për punë.Unë shumë herë kam pasur shumë karantina pasi kisha kontakt me persona që kishin takuar të infektuar me koronavirus. Aspekti më i vështirë ishte procesi i karantinës, ajo duhet të zbatohet dhe duhet të jemi seriozë”, ka thënë Berisha.