LIGJET E BIZNESIT
Kryeministri Edi Rama gjatë konferencës së mbajtur sot me titullin “Ekonomia në fokus” nuk ka harruar të ‘thumbojë’ dhe kryetaren e LSI Monika Kryemadhi.
Menjëherë pas këtyre fjalëve ka ardhur dhe reagimi i kësaj të fundit.
Ajo e paralajmëron Ramën se nesër do t’ia shpjegojë ‘fabrikën e parave’.
“Durim, Edi! Nesër ta shpjegoj “gjerë e gjatë” fabrikën e parave. Durim deri nesër…!”, shkruan Kryemadhi në rrjetet sociale.
Kujtojmë se sot Rama tha gjatë konferencës për mediat se është shumë e qartë që ka një plan për të lidhur Lulzim Bashën me zinxhirët e Monika Kryemadhit, për llogari të Sali Berishës dhe Ilir Metës.
“Shumë e thjeshtë, pjesë e planit për të lidhur Lulin me zinxhirin e Monikës, për llogari të Salit dhe Ilirit, dhe pastaj sigurisht, ose për të marrë pushtetin dhe për shpërbërjen e Reformës në Drejtësi, ose për të marrë kokën e Lulit. A ka më thjesht se kaq. Është e qartë pse e duan Lulin të lidhur para zgjedhjeve”, tha Rama.
Kryeministri e konsideroi po ashtu Monika Kryemadhin një notere ose përmbaruese në shoqërinë aksionere me ortakë Ilir Metën dhe Sali Berishën.
