“Duhet të jem në Kuvend” Luljeta Bozo pranon ftesën e Ramës për t’iu bashkuar PS: Ishte e papritur

Inxhinierja e njohur Luljeta Bozo e ka pranuar ftesën e kryeministrit Edi Rama për të kandiduar si deputete e Partisë Socialiste në zgjedhjet e 25 prillit.

Ajo u shpreh se ky propozim ishte i papritur për të.

“Kam vendosur që ta pranoj ftesën, opinioni i gjerë më thotë se duhet të jesh në Kuvend.”, është shprehur ajo për Fax News.

Inxhinierja shtoi se ky është një vlerësim i jashtëzakonshëm që po i bëhet mirëpo për shkak të moshës hezitoi.

Ajo zbuloi se ka bërë një takim me Ramën ditën e djeshme për tu njohur më nga afër me ftesën.

Më tej, Bozo tha se nuk e di ende se ku do të kandidojë.

DEKLARATA:

Ftesa ishte e papritur për mua, ishte një vlerësim i jashtëzakonshëm për mua, kështu që dje patëm një takim me zotin kryeministër, unë hezitova për disa arsye, që lidhet me moshën, pavarësisht se truri punon akoma në rregull.

Jam e qartë në gjërat që kërkoj, nuk e prisja si propozim, duke parë konsideratën që kanë njerëzit për mua, vendosa që ta pranoj. Nuk jam anëtare e asnjë partie, për mua leku nuk është kryesori në jetë, duam që tiu shërbehet njerëzve.

Jo nuk kemi folur se ku do të kandidoj, unë mendova se takimi ishte për pjesën e rindërtimit, kur atje doli dhe ky propozim, nuk e pyeta fare se ku do të kandidojë.

Atje mu mbush mendja që të pranoja për këtë propozim.