“Do na kishin vënë kujën”/ Rama për she rrin Boçi-Luca: Imagjinoni ç’do bënin sikur grushtuesi të ishte një nga ne

Kryeministri Edi Rama nga Elbasani foli në lidhje me konfliktin fizik mes biznesmenit Gjergj Luca dhe kandidatit të PD, Luçiano Boçi.

Rama e ka cilësuar Boçin si grushtues, ndërsa Lucën si krijues të madh.

“Nuk ka ndryshuar natyra vulgare e politikës së vjetër që mëshirohet sot në koalicionin e ri. E pamë në Elbasan dhe ju ftoj ta imagjinoni sikur grushtuesi i një sipërmarrësi, i një punëkrijuesi, si Gjergj Luca të kishte qenë cilido prej nesh, prej djemve burrave. Sikur grushtuesi, grabitësi i telefonit të rij, dhunuesi i tij të ishte Taulant, Florenci, cilido qoftë, çfarë do kishin bërë.

Sa e-mail, telefonata do kishin derdhur në Europë, do na kishin vënë kujën, por ne e kemi të qartë që njerëz të dëshpëruar bëjnë gjëra të dëshpëruara. Ata e kanë të qartë se nuk kanë mundësi të kenë një shans tjetër. E turpshme, grushtoi bashkë me rojet e tij njeriun që mban me punë qytetarët”, deklaroi Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern