Ditë zie për Muharrem Hoxhën/ Virusi i merr jetën bashkëshortes së aktorit të madh

Një lajm i hidhur vjen sot për aktorin e madh të humorit Muharrem Hoxha.

Mësohet se ai ka humbur bashkëshorten si pasojë e infektimit nga C OVID19.

Për fat të keq Jalldiz Hoxha është ndarë nga jeta në moshën 65-vjeçare, pasi humbi betejën me virusin e rrezikshëm.

Sipas informacioneve për mediat, ajo do të përcillet për në banesën e fundit mesditën e sotme në qytetin e Durrësit.

Aktori i njohur i humorit, Muharrrem Hoxha është larguar nga ekrani shqiptar prej kohësh.

Ai dhe familja e tij, po kalojnë momente të vështira për shkak të humbjes së bashkëshortes së tij.