Çifti nga Librazhdi dhe 5 të tjerë falsifikonin lekët/ Policia në aksion për të ndëshkuar

Shtatë persona përfunduan sot pas hekurave me akuzën e falsifikimit të parave. Dy nga të arrestuarit janë nga Librazhdi, Bardhi Meçe 56 vjeç dhe bashkëshortja e tij I. Hysa 32 vjeçe. ABC ka mundur të sigurojë foton e çiftit nga Librazhdi.

Të arrestuarit e tjerë janë A. V., 50 vjeç, banues në Fier, R. K., 48 vjeç, D. A., 20 vjeç dhe A. T., 30 vjeç, banues në Elbasan dhe I. Ç., 27 vjeç, banues në Krujë.

Në bashkëpunim me njëri-tjetrin, ata hidhnin në treg kartëmonedha të falsifikuara në disa qytete të Shqipërisë.

Në cilësinë e provës materiale, u sekuestruan 158.000 lekë shqiptare të dyshuara si të falsifikuara, 9 aparate celularë edhe 2 automjete.

Materialet i kaluan Prokurorisë së Rrethit Gjyqësor Elbasan për veprime të mëtejshme.