Çfarë ndodhi në Tiranë? Pesë të arrestuar në pak orë, ja veprat për të cilat akuzohen

Policia e Tiranës ka vënë në pranga 5 persona, të cilët akuzohen për vepra të ndryshme penale.

Sipas burimeve zyrtare, pas hekurave ka përfunduar shtetasi me inicialet H. M., 34 vjeç, i shpallur në kërkim për veprën penale “Dhuna në familje”.

Ndërkohë që në pranga ra dhe shtetasi me inicialet F. L., 61 vjeç, pasi u kap duke drejtuar mjetin pa lejen përkatëse;

Gjithashtu në pranga ra dhe shtetasi me inicialet A. Ll., 22 vjeç, pasi ka aksidentuar biçiklistin shtetasin F. Xh., 47 vjeç, i cili ndodhet në spital, nën kujdesin e mjekëve. Po ashtu policia arrestoi dhe shtetasit me B. B., 38 vjeç dhe R. Gj., 55 vjeç, pasi u kapën duke drejtuar mjetet përkatëse në gjendje të dehur.

Materialet i kaluan Prokurorisë së Rrethit Gjyqësor Tiranë, për veprime të mëtejshme.