Armenia shpall zgjedhjet e parakohshme parlamentare

Në përpjekje për të zbutur krizën politike, Kryeministri armen Nikol Pashinian ka rënë dakord për mbajtje të zgjedhjeve të parakohshme në qershor.

Veprimi është nxitur nga lufta e vjeshtës së kaluar me Azerbajxhanin, për rajonin e Nagorno-Karabakut.

Përmes një postimi në rrjetin social Facebook ai ka njoftuar se pas bisedimeve me grupet opozitare, është arritur pajtueshmëri që zgjedhjet të mbahen më 20 qershor.

Që prej nëntorit të vitit të kaluar, Armenia është përballur me trazira politike, kur Pashinian ka nënshkruar një marrëveshje për armëpushim me Azerbajxhanin, të ndërmjetësuar nga Moska, duke u dhënë fund gjashtë javëve të luftimeve në dhe rreth Nagorno-Karabakut.

Tashmë Nagorno-Karabaku dhe shtatë rajonet rreth tij, tani janë nën administrimin e Azerbajxhanit, pas kontrollimit për gati 30 vjet nga forcat etnike armene.
Si pasojë e konfliktit thuhet se kanë vdekur 6,000 persona.