LIGJET E BIZNESIT
Mëngjesin e sotëm në kuadër të operacionit të koduar “Kartëmonedha”, policia e Elbasanit ka arrestuar 7 persona, mes tyre dhe një grua të moshës 32 vjeçare.
Mësohet se në bashkëpunim me njëri-tjetrin, këta persona gjatë një periudhe kohore disa mujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara.
Burime bëjnë me dije se ata i përdornin kartmonedhat e falsifikuara në disa qytete si: Tiranë, Krujë, Fier dhe Elbasan.
Policia ka sekuestruar në cilësinë e provës materiale 158,000 lekë të falsifikuara, 2 automjete dhe 9 aparate celulare.
Në pranga kanë përfunduar Altin Veizaj 50 vjeç, banues në Fier, Bardhul Mece, 56 vjeç dhe Ina Hysa, 32 vjeçe, banuese nê Librazhd, Rezart Kovaci, 48 vjeç, Drilon Alimeta, 20 vjeç dhe Arber Tafa, 30 vjeç, banues në Elbasan. Izair Çitozi, 27 vjeç, banues në Krujë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
NJOFTIMI ZYRTAR I POLICISE
Finalizohet me sukses operacioni policor i koduar “Kartëmonedha”. Operacioni nga Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Elbasan. Hidhnin në treg kartëmonedha të falsifikuara, vihen në pranga 7 shtetas. Sekuestrohen në cilësinë e provës materiale 158.000 lekë të dyshuara të falsifikuara, 2 automjete dhe 9 aparate celular.
Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Elbasan, pas një hetimi disamujor, ka organizuar dhe finalizuar me sukses operacionin policor të koduar “Kartëmonedha”, në kuadër të të cilit u arrestuan në flagrancë shtetasit: A. V., 50 vjeç, banues në Fier, B. M., 56 vjeç dhe I. H., 32 vjeçe, banuese nê Librazhd, R. K., 48 vjeç, D. A., 20 vjeç dhe A. T., 30 vjeç, banues në Elbasan. I. Ç., 27 vjeç, banues në Krujë.
Këta shtetas, në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë, Fier etj.
Gjatë operacionit, këtyre shtetasve u janë gjetur dhe sekuestruar në cilësinë e provave: 158.000 lekë shqiptare të dyshuara si të falsifikuara, 9 aparate celular edhe 2 automjete. Materialet i kaluan Prokurorisë së Rrethit Gjyqësor Elbasan, për veprën penale “Falsifikimi i monedhave” kryer në bashkëpunim.
