Aeroportit i ri i Vlorës/ Impakt në zhvillimin e  sipërmarrjeve të reja dhe turizmit

Ministrja e Financave dhe Ekonomisë, Anila Denaj deklaroi se “ndërtimi i aeroportit të Vlorës pritet të sjellë një zhvillim të lartë të turizmit dhe kjo po nxit edhe sipërmarrjen”.

Denaj shprehet se, “një shembull i tillë është edhe Silvana, një sipërmarrëse e suksesshme, që po shton investimet në hoteleri, për t’i shërbyer këtij progresi”.

“Si kandidate për deputete e Qarkut Vlorë do të jem një zë i fuqishëm në mbështetje të gruas, në çdo fushë që ajo është”- u shpreh ministrja Denaj.

Sipërmarrësja në qytetin e Vlorës, Silvana Sadiraj që operon prej 20 vitesh në tregun e shitjes së karburantit me pakicë, shprehet se, “duke parë që Vlora është një qytet turistik, mendova se do të ishte një gjë shumë e  mirë të zhvillonim edhe aktivitetin e hotelerisë”.

Sadiraj shtoi më tej duke thënë “Në fillim menduam të hapnin një hotel të vogël dhe gradualisht duke parë ecurinë që nevoja për hotelerinë në qytetin e Vlorës po vinte duke u rritur, atëherë zhvilluam aktivitetin tonë në autostradën Fier- Vlorë dhe kemi krijuar një hotel tjetër, krahas hotelit që kemi ngritur në Vlorë”.