A do të bëhet Presidente? Thuhet se do i zërë vendin Metës, flet deputetja e PS: Është nder i madh

Deputetja e Partisë Socialiste Mimi Kodheli e cila më parë ka mbajtur dhe postin e ministres së Mbrojtjes, u pyet mbrëmjen e djeshme për zërat që e kanë përfolur si kandidate për Presidente.

E ftuar në “PolitikOn”, ajo u shpreh se është një nder që e  përmendin për diçka e tillë.

“Unë jam gruaja e parë që kam drejtuar ministrinë e Mbrojtjes dhe jam sot kryetarja e komisionit të politikës së Jashtme dhe njëherësh zv. presidente e asamblesë së NATO-s. I jam falenderuese çdo personi që më ka mbështetur dhe PS-së, e Edi Ramës.

Është nder i madh edhe të të përflitet emri për President të Republikës dhe deri në fund do të jap maksimumin tim për t’i shërbyer atdheut tim, sepse e bëj për një të ardhme që e kam në zemër, sepse e bëj nga këndvështrimi i zemrës.”, është shprehur Kodheli.