900 mijë persona pa ID/ Qeveria zgjat afatin e vlefshmërisë së kartave të identitetit

30 prilli është afati i shtyrjes së vlefshmërisë së kartavë të identitetit të cilat skadojnë para datës 25 Prill.

Vendimi u mor në mbledhjen më të fundit të qeverisë. Një vendim i tillë vjen pas kërkesës së ngritur nga opozita, që deklaronte se 900 mijë votues rrezikojnë të mos votojnë si pasojë e skadimit të dokumentit identifikues.

“Neni 9/2, i ligjit nr.8952, datë 10.10.2002, “Për letërnjoftimin elektronik të shtetasve shqiptarë”, të ndryshuar, ndryshohet, si më poshtë vijon:

“Neni 9/2
Dispozitë kalimtare

Afati i vlefshmërisë së letërnjoftimit elektronik të shtetasve shqiptarë, që përfundon deri në datën 25 prill 2021, zgjatet deri në datën 30 prill 2021.”., thuhet në vendimin e qeverisë.