Zhvatën 16 mln lekë teksa hiqeshin si administratorë banke/ Arrestohet 36-vjeçarja, një tjetër në kërkim

Policia ka arrestuar një 36-vjeçare si dhe ka shpallur në kërkim një tjetër. Arrestimi i tyre ka ardhur pasi në bashkëpunim me njëri-tjetrin mashtronin qytetarët duke u thënë se ishin administratorë të një banke.

Bëhet me dije se në pranga ka rënë shtetësja me iniciale V. G., 36 vjeçe, banuese në Tiranë, si dhe është shpallur në kërkim shtetasi me iniciale S. K.

Personat  e mësipërm prezantoheshin si administratorë të një banke dhe në këtë mënyrë mashtruan një qytetar me faktin se ishte përzgjedhur si fitues i bankës. Për rrjedhojë do të përfitonte interesa më të larta për depozitat si klient.

Nga ky aktivitet i paligjshëm, ata kanë përvetësuar shumën 1.600.000 lekë të rinj.