Virgjëria dhe s*ksi, tabu në Shqipëri/ Sociologu ngre alarmin: Njerëzit riprodhohen në mënyrë kafshërore

Ndonëse jemi në vitin 2021 virgjëria vijon të mbetet një tabu në Shqipëri. Të shumtë janë rastet kur kemi dëgjuar që ka nga ata persona që e lidhin virgjërinë e një vajze me moralin dhe vlerat që ajo posedon.

Kjo temë është diskutuar gjerësisht në emisionin “ Rreze Dielli” në Report Tv me të ftuarit sociologun Gëzim Tushi dhe aktivisten e shoqërisë civile Xheni Hatillari. Sociologu Tushi pohon se kjo është një çështje që ka qenë dhe është diskutuar prej dekadash të tëra për shkak të kornizës morale të shoqërive të caktuara.

“Imagjinoni një jetë të tërë një femër duhet ta ruante himenin e saj deri në shtratin martesor, madje dhe me skema butaforike të tilla ku duhet të dilnin çarçafët në mëngjes nga nata e parë, për të treguar që nusja e djalit tonë, ka qenë e virgjër ja shikojeni dhe ju. Një qëndrim i tillë është krejtësisht i tillë është mesjetar” u shpreh ai.

Sociologu foli edhe për edukimin seksual që në moshë të hershme.

“E para kjo e demistifikon seksin dhe e bën një çështje të natyrshme si të gjithë komponentët tjerë kulturorë të formimit të njeriut. Ne mund të kalbemi dhe qelbemi si shoqëri duke e lënë seksualitetin  në mënyrë intuitive. Unë ju garantoj që ne kemi nivele mizerabël, jo në zonat metropolitane këtu por në zonat perferike kemi probleme që kanë të bëjnë më higjenën e seksualitetit, me higjenën speçifike të organeve gjenitale dhe një pjesë prej tyre bashkohen dhe riprodhehen në mënyrë kafshërore pa ditur asgjë nga teknologjitë” u shpreh ai.