VIDEO/ Lulzim Basha i bllokuar në mes të dëborës, por ja si e zgjidhin shoqëruesit e liderit të PD

Për shkak të motit të keq me stuhi dëbore që ka përfshirë vendin tonë, kryetari i PD Lulzim Basha mbeti i bllokuar mbrëmjen e djeshme në aksin Lezhë- Shkodër.

Lideri opozitar tregoi se makina e tij kishte ngecur në zonën mes Tales dhe Shënkollit.

Ai u shpreh ndër të tjera se nuk kishte parë asnjë borë pastruese që të punonte për lirimin e rrugës.

Basha tregoi se dhe një autoambulancë ka mbetur në rrugë, ndërkohë që nuk dihet nëse brenda saj kishte apo jo persona të sëmurë. Siç shihet dhe në pamjet e mëposhtme, shoqëruesit e Bashës kanë dalë për të shtyrë ambulancën, e cila duket se nuk ka qenë e pajisur me zinxhir, ose trashësia e borës ka qenë mjaft e madhe.

“Situata është e rëndë, kam kohë të gjatë i bllokuar. Përmbytje dhe ngrica, kemi mbetur në një zonë përtej Shenkollit dhe Tales, para Lezhës. Ku janë shumë automjete me familjarë, ka dhe ambulancë. Edhe disa prej shoqëruesve të mi janë munduar ta lëivizn, por pa sukses.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Qindra automjete të mbetura, siç kam informacione për dhjetëra familje që kanë ngelur. Situata është e bllokuar, gjithë Shqipëria prej kësaj situate. S’është marrë asnjë masë për të lehtësuar situatën.

Dihej para 5 ditësh që e shtuna dhe e diela do sillte dëbore. Ishte detyra e qeverisë por si në shumë fusha të tjera ka paguar për hedhjen e kripës, borëpastruese. Nuk kam parë asnjë veprim, as hedhje kripe as borëpastruese. Qindra automjete, shumë familjarë kanë mbetur të bllokuar. Duke përfshirë këtu edhe ambulancë para automjetit tim.

Kur vjen puna për t’i puthur në kokë koncesionarët Ramën e keni ditë për ditë në televizor. Përgjegjësinë për këtë e ka qeveri”, tha Basha mbrëmjen e djeshme.