Vendi vendos të blejë 100 mijë doza të vaksinës “Sputnik V” nga Rusia

Maqedonia e Veriut ka vendosur të blejë 100 mijë doza të vaksinës “Sputnik V” nga Rusia.

Lajmin e ka njoftuar kryeministri Zoran Zaev. Ai deklaroi se u ka dhënë institucioneve udhëzimet që të porosisin dozat nga Rusia.

“Të shtunën mora informacion nga Ministri i Shëndetësisë Venko Filipce se ne kemi kapacitet, në përputhje me marrëveshjet e përfunduara dhe ato të paguara, të porosisim 100,000 doza të vaksinave tjera që do të plotësonin planin e përgjithshëm, dhe nuk do të shkaktojnë vaksina të tepërta…Unë kam dhënë udhëzimet për furnizim me 100 mijë vaksina ruse. Gjithçka që ka të bëjë me vaksinat, ne kemi bërë punën tonë, porositë, kontratat…”, ka deklaruar kryeministri Zoran Zaev.

Maqedonia e Veriut është duke biseduar për të siguruar 800 mijë doza të vaksinës amerikane, ndërkohë që ka nisur vaksinimin me doza që i dhuroi Serbia dhe me doza të vaksinës kineze.