U propozonte miqve të vaksinoheshin pa radhë/ Ministri i Shëndetësisë jep dorëheqjen

Presidenti argjentinas ka kërkuar dorëheqjen e Ministrit të Shëndetësisë atje Gonzalez Garcia.

Kërkesa e tij erdhi pas zbulimit të skandalit, ku Garcia u propozonte miqve të tij që të vaksinoheshin jashtë radhës.

Dy burime në presidencë konfirmuan për Reuters se presidenti kishte kërkuar dorëheqjen e ministrit.

“Presidenti i tregoi shefit të shtabit që ministrit të shëndetësisë duhet t’i kërkohet të japë dorëheqjen,” tha një nga burimet.

“Unë po jap dorëheqjen nga posti im në Ministrinë e Shëndetësisë pas kërkesës suaj të qartë, ” tha ministri në letrën e dorëheqjes drejtuar kreut të shtetit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në këtë detyrë, ai do të zëvendësohet nga Dr. Carla Witsotti, një emër jo pak i njohur në Argjentinë.

Skandali u zbulua nga gazetari i famshëm 71-vjeçar Horacio Verbicki.