Tragjike/ 40 të vdekur, autobuzi me pasagjerë përfundon në kanal

Një ngjarje e rëndë ka ndodhur në shtetin Madhya Pradesh të Indisë. Rreth 40 persona kanë humbur jetën si pasojë e një aksidenti të frikshëm.

Autobusi i krijuar për 34 pasagjerë ka pasur në brendësi të tij, 46 persona ndërsa raportohet se vetëm 6 prej tyre kanë arritur të dalin shëndoshë e mirë.

Mediat e huaja shkruajnë se autoritetet ndërhynë menjëherë për të  shpëtuar sa më shumë pasagjerë, mirëpo bilanci ishte sërish fatal.

Sipas policisë, më shumë se 110,000 njerëz vriten çdo vit në aksidente të ndryshme rrugore në të gjithë Indinë.

Një pjesë e madhe e aksidenteve shkaktohen si pasojë e mungesës së vigjilencës së drejtuesve të mjeteve, infrastruktura jo e mirë e rrugëve si dhe mjetet e vjetra.