Të shtëna në Tiranë/ Kërcet arma pranë Piramidës, plagoset një person

Të shtëna me armë zjarri në Tiranë, pranë zonës së Piramidës në “Rrugën e Elbasanit”.

Mësohet se si pasojë ka mbetur i plagosur një person.

Forca të shumta policie ndodhen në vendin e ngjarjes dhe po punojnë për zbardhjen e saj.

Raportohet se i plagosuri ka marrë dy plumba dhe është qëlluar me armë zjarri tip silenciator.

Ai është dërguar në spital dhe bëhet me dije se ndodhet jashtë rrezikut për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Blutë e Tiranës po punojnë për identifikimin e autorëve. Kanë qenë qytetarët ata që kanë njoftuar policinë për të plagosurin, pasi ai po kërkonte ndihmë.

Dyshimet se autorët kanë qëlluar me silenciator përforcohen më shumë dhe nga dëshmitarët, të cilët kanë thënë se nuk kanë dëgjuar zhurmë, vetëm kanë parë të plagosurin në rrugë.