LIGJET E BIZNESIT
Të tjera detaje dalin në dritë nga arrestimi i Ralf Ferukut, i njohur ndryshe si “Notis” apo ”Taqi shqiptar”.
Ai ka qenë i dënuar më herët në Greqi, ndërsa me arrestimin e fundit ku u gjet nën shoqërinë e Alket Rizait, organet e drejtësisë greke e lidhin me ngjarje të tera. Dyshohet se ai ka qenë i përfshirë në ngjarjen e verës së 2018-s në Pedion, ndërsa pronari i po këtij lokali u vra një vit më vonë në Haidari.
Dyshohet po ashtu se ai ka kryer dy atentate ndaj një greku në Iliopouli. Jo vetëm kaq, pasi ”Taqi shqiptar” ka vijuar të bëjë atentate edhe kohët e fundit. Mësohet se pre e sulmeve të tij ka rënë edhe një pronar shqiptar i një lokali, për pazare droge.
Thuhet se Relf Feruku ishte në Britaninë e Madhe prej shumë kohësh, dhe rikthimi i tijnë Greqi erdhi me “detyrimin” për të ‘larë disa hesape’ dhe u nis sërish në Britaninë e Madhe teksa një urdhër-arresti ishte lëshuar për vrasjen e vitit 2017 pa dijeninë e tij.
